Газар хөдлөөсэй

Ингэж муу ёрлосон минь барилгын салбараас боллоо. Монголчууд бидэнд  ниргэсэн хойно хашгирдаг муу тал байна.

Энэ барилга байшингийн чанар чансаа гэж авах алга аа. Ерөнхийдөө стандарт зэрэглэлийн орон сууцанд бол бүр ч илүү.

Модны 2-т Г гэж компанийн байшин саяхан ашиглалтанд орохоор нь очиж үзлээ. Тэр хана маныг нь барилгачинд нь согтуу байхдаа цутгасан гэмээр. Бага байхдаа нуруугаа тэгшилнэ гэж хананд налж зогсдог байж билээ. Тийм ханатай байшинд амьдардаг болчихвол ёстой тэгж зогсолтгүй. Бүр буруу хэлбэртэй нуруутай болно. Тэгснээс Мэнэнгийн талд, дэргүй унтсан нь дээр.

Бас л Г гэдэг компани. Гэхдээ өөр шүү. УБ хотын яг төвд ҮХХ-ийн зах зээлийн буум болж байхад нэг м.кв-ийн үнэлгээгээ 2000 гаран доллар –аар үнэлсэн. Ер нь бол төсөл нь тасархай буюу Монголын хамгийн анхны hotel service apartment гэх юм уу даа. Хамгийн харамсалтай нь хагас тэрбус төгрөг төлсөн оршин суугчид нь өвлийг халаалтгүй давсан нь зуданд нэрвэгдсэн малчдаас аймшигтай. Тэр компани бас ална аа. Хотын баруун хэсэгт бас нэг байшин барьж байгаа. Тэрийгээ барьчихаад дараа нь барилгадаа тааруулж зургаа зурж байна. Нөгөөх нь ямар олигтой юм байв гэж. Метр ная хүрэхгүй миний толгой шатны хонгилын таазанд тулж байх жишээтэй. Амар амар.

За тэгээд яриад байвал яриад л байна. Барилгын салбар дах төрийн оролцоог бууруулах буюу Дэмбэрэл даргын хэлсэнчлэн 144 гарын үсгийг 14 болгож бууруулахтай би хувьдаа санал нэгдээд байна.

Гэхдээ энэ асуудал зөвхөн Монголд байгаа юм биш шүү. Хөгжиж буй бусад орноос гадна өндөр хөгжилтэй орнуудад ч яг ийм үе байжээ. Солонгост бүхэл бутэн их дэлгүүр нурсан *туршлага* бий. Түүний дараа л тэд барилгын чанарт гойд анхаарч өнөөдрийн өндөрлөгт хүрчээ.

Одоогоор нийт 1,5 их наяд төгрөгийн өртөг бүхий 20000 орчим айлын 150 гаруй барилгын төсөл УБ хотод хэрэгжиж байна. Цаашид өснө. Барын зулзгыг бага дээр гэдэг дээ. Энэ үед л газар хөдөлгөж хэдэн байшинг нураахгүй бол тав, магадгүй арван жилийн дараа ийм зүйл болвол 4-5 их наяд төгрөг салхинд хийсч, 100000 айл орох оронгүй болно. Мэдээж Монголын Засгийн газар энэ эрсдлийг даах чадамжгүй.

Та нар юу гэж бодож байна?

Дараа нь барилгын салбар, ҮХХ-ийн зах зээлийн системчлэлийн талаар нэг зүйл бичнэ.

Эх нутгынхаа тэнгэрлүү эзэн хүн шиг зоригтой ширтээсэй!

Сэдвийн эзний зөвшөөрөлтэй нийтлэв. Бага сага үг үсгийн алдаа бий. Тэрнийх шүү. хэхэ


Энэхүү сэдвийн зориго бол өчүүхэн сэтгэл оюунаар, амин хувийн эрх ашгаа нэгдүгээрт тавьсан зарим нэгэн гишүүдэд хандан хэлсэн үг болой. Гарах гарц, зарим нэг шийдэлийн талаар бодсон бяцхан бодлоо дараагын сэдэвтээ тусгья.

Холын зорилго үгүй аваас ойрын зовлон оршино. Суут их богд Чингис хаан

Миний эх орон алсын төлөвлөсөн бодлого гэхээр бодит зүйлгүй, хийсвэр хөтөлбөр, хоосон амлалтанд хууртан хэдэн жил шааригдлаа. Одоо зүрх сэтгэл нь цаанаа гунигтай байна.. Бидний итгэл талаар болсонд, ард түмэнээ эх орноо ч гаргуунд нь хаян мунхаглах хэдэн нөхдөд, зөвхөн баяжиж аваад гадагшаа бултахаар төлөвлөсөн аминч үзэлтэй бүхэнд дур минь гутаж сууна.

Уурлан учирлах хэдэн үг:
Тоймгүй шуналтай нөхөрч гэсэн толгойтой байвал зохиноо. Толгойгүй байж малгайгаар яахнавээ гэсэн үгийг санацгаая..Эх орноо худалдчихаад, эсвэл худалдаж байгаагаа ч ойлгохгүй хэсэг мөнгө бодчихоод хаашаа зугатаах гэсэн толгойгүй нөхөд вэ хө. Жаахан хүүхэд хоёр нүдээ дарчихаад өөрийгөө нуугдчихсан мэт санадаг гэсэн. Эрхэм гишүүн та компаниа, нам бүлэг фракцаа бодсоор явтал чинь эх орон чинь үлгэр болоод дуусах нь. Ийм өчүүхэн хүрээнд амьдарлаа багтааж байгаа хүний тархинд эх орон нь яаж багтах билээ. Түүнийг аварч гарах ухаан хэрхэн төрөх билээ. Дараа жилийн сонгуульд хэрхэн үлгэр ярих тухайгаа бодвол болчихдог тийм өчүүхэн улсад амьдраагүй болохыг цаг хугацаа хатуухнаар анхааруулж байна. Эрхэм та хов жив, шуналын хорноос холдон хэсэг эх орноороо нэг амьсгална уу, учир нь чамайг хөрсөн дээрээ бойжуулж өсгөсөн энэ газар шороог хүний гарт бариулна хэмээн ганцхан чи,таны нөхөд л сэтгэж чадсаан. Учир нь өөрт чинь бүхнээ өгсөн эх орон, ард түмнийхээ өрлүү өшгилөх ухаан ганцхан чамд, чиний тойрон хүрээлэгчидэд л төрсөөн. Хаанаас ургасан ургамал билээ дээ. Нөхөд чинь шуналын гал бадруулсан харцаар чамтай нэгдэж, алсын хараа огт үгүй сонгууль л ярин мунхаглах зуур чи эх нутгаа аврах тухай биш яаж зарах тухай, өөрийн өчүүхэн биедээ томдсон шуналыг агуулан суусаан. Одоо чи дахин нэг эх орноороо амьсаглаад ав. Учир нь чинийх байсан бүхнийг чамаас ухаантай орны хүмүүс булааж, чиний сэтгэсэн ухаанаас зуун бээрийн алсыг харан нүүдлээ хийсээр тэд өдийг хүрлээ. Гадны хүний өгөөш болсноо харахгүй, ганцхан би энэ баялгыг эзэмшинэ хэмээн мөрөөдөн суусан та өнөөдрийн тэрбумтан маргаашийн өрөвдөлтэй нэгээн. .
Тэрбумтан жирийн хүн хоёрын хооронд ганцхан ялгаа бий.
Эх оронтой хүн,Эх оронгүй хүн хоёрын хооронд олон ялгаа бий.
Тэр нь тербумтан өөрийгөө бусдаас илүү болцон мэт сэтгэлээ хуураад,
элдэв өнгийн тоглоомоор наадах бяцхан хүүхэд адил хүсэлдээ хөтлөгдөн тарчилсаар хорвоогоос одноо.
Жирийн хүн үр хүүхдийнхээ төлөө элдэв бэрхшээлийг давсаар
эцэстээ мөнгөнөөс илүү сэтгэл чухал гэдгийг амьралаараа баталдаг юм.

Хөндлөнгөөс ажихад тербумтан өдөрт 5 удаа хоолонд орох ходоодгүй, хоёр машин зэрэг унах боломжгүй байдаг. Юуунд ийм өчүүхэн жаргалын төлөө эрхэм бүхнээ алдан байгааг ирээдүй үе асууж байна.. 4 дугуйтай төмөр сэг хаамер байна уу, эксээл байна уу гэдгээсээ үл хамааран эзнээ зорьсон газар нь л хүргэх ёстой байдаг. Аян замдаа сайн явж ирсэн үү гэж монголын ард асуудаг болохоос, хэр хурдтай ямар тансаг машинаар ирэв гэж асуудаггүй ээ. Хэтэрхий хурд аминд халтай. Огцом баяжмх ходоодонд халтай.. Орох оронгүй байж тансаг хоол, тасархай буудалд хоноглоод яаах вээ. Энэ бол түр зуурынх. Орших эх оронгүй байж гадаадад тансаг харш бариулаад, тоорт бялуугаар цадаад яаах вэ. Энэ бол түр зуурынх. Хичнээн мөнгө байлаа ч хүнд хувь тавилан гэж бий. Үр хүүхдэд чинь эх орон хэрэгтэй. Тэр цагт нулимсаа хаана дусаах вээ. Ганц дусал нулимс дусаачих газрыг хаанаас хайхвээ. Сөөм газрыг худалан авахад зарцуулах чиний бүх мөнгө тэр цагт чулхан мэт байна. Эх орны чинь зэрлэг онгон салхи тэр цагт хүнийх болсон байна. Тээр доор харагдах ард түмэн чинь тэр үед ганц зүйл хийх байх. Үр ачийг чинь газрын гавт байх тэр агшинг харахыг хүсэх байх. Яахав хөөрхий тэд ганц удаа ч гэсэн хүнийг дээрээс нь харж үзэг . Тэглээ гээд биеээ тоох бишдээ тэд.Тэдний хийсэн үйлийн үр бишдээ хөөрхий.

Хүнд мөнгөнөөс эрхэм үнэтэй зүйл бий.
Үнэтэй зүйл бүхэн нарийн ухаантай хамт байдаг жамтай. Таны ухаан бүдүүн байлаа.
Таны олсон бүхэн түр зуурынх болохыг ухаарахааргүй бүдүүн бараг байлаа.
Учир нь эх орныхоо төлөө цохилох таны зүрх сулхан байлаа. Ард чинь ирээд чимээгүйхэн ажих гадны хий үзэгдлийг харахааргүй бүдүүлэг нэгэн байлаа.

Толгойгүй байж малгайгаар яах нь вэ хэмээн гадныхан тоглох наргих хослуулан хэлж сууна.
Эх орон,. Их түүх чинь сануулан байна.Яаасан хялбархан сэтгэж яасан хялбархан амьдарна вэ та хэмээн зовж олддог жаргал өмнөөс чинь ичэж сууна. Зогсож бай та... одоо очиж явна хэмээн зовлон хариулж байна. Гэтэл та ажиггүй нь аргаггүй нөхөдтэйгөө майсаан. Нөгөөх л наймайгаа бодсоор сууна. Толгойгүй байж малгайгаар яах нь вэ.

Одоо бид бодож байна. Монголын залуус нэгдэж байна. Та бүхний хийсэн алдаа бүхнийг цайруулах аргаа бодож сууна.
Тэдний өмнөөс нэгэн зүйл хэлчье. Ирээдүйдээ бүү саад хий. Нарыг нь бүү халхалаа.!!!

Алтан нар илчээ бидэнд авь адилхан түгээдэг юм. Эх орон минь хүйтэн байна, миний дотор сонин байна. Амьсаглах агаар минь ч жихүүн байнаа. Иргэдэд итгэл найдвар л байна. Эх орноо дулаацуулах халуун сэтгэл л байна..
Хөлд орсон бяцхан үрс хүртэл түлээ барьсаар гүйж айсуй.
Сайхан сэтгэлд нь зам тавь, хөөрхий тэднийг бүдрэхээс хамгаал. .
Учир нь тэдний маргааш энэ сэтгэл шигээ гэрэлтэн байгаасай .
Эх нутгынхаа тэнгэрлүү эзэн хүн шиг зоригтой ширтээсэй!




Хүн таньд мөнгөнөөс эрхэм үнэтэй зүйл гэж бий... 


Г.Энхболд

Tooluur

Таны тэрбумтан болох магадлал хэдэн хувь бэ?

Импоссибл из нөүтфинг болон бусад нөхцөлүүд тогтмол гэж эхлээд жоохон тоо бодъё.

Монголын санхүүгийн зах зээл дээр ойролцоогоор 3000 тэрбум төгрөг эргэлдэж байна. ӨХ Бусаддаа нэг ч төгрөг үлдээлгүйггээр 3000 хүн тэрбумтан болох боломжтой. Үүнийг хүн амынхаа тоонд хуваая.

3000/2700000=0,001 буюу 0,1%. Танд амжилт хүсье. Танд тэрбумтанд болох боломж макс-даа 0,1 хувь.

Энэ үзүүлэлтийг АНУ тай харьцуулъя. АНУ-ын moneytary base 2009 оны 11 сард 2,000,000,000,000 USD байжээ. Энэ нь ойролцоогоор 2 900 ,000,тэрбум төгрөг буюу АНУ-ын энэ тооны иргэд бусаддаа нэг ч төгрөг үлдээлгүйгээр тэрбум төгрөгтэй болох боломжтой. Энэ АНУ-ын нийт иргэдийн 0,9 хувь буюу АНУ-д *тэрбум төгрөг*-тэй болох боломж 0,9хувь.

Харамсалтай байна. Манай орноос 9 дахин илүү буюу аргагүй л...


Цааш нь Орос, Хятад, Англи гээд  үргэлжлүүлэх гэснээ залхуу хүрчихлэээээ

Миний афоризм-2

Долоо алхаж, Нэг гунх

Сажилж явбал хоцорно
Санаж явбал мөрөөднө

Эр хүн туг ч барина, мээм ч барина

Цол дагаж, найраа нэмэгдэнэ

...
Алтан бэлзэг
Амандаа үмхлээ гэж
Хардуулж явсан
Хулгайч минь
...

Цэл залуу насандаа
Спиртын хүчээр бадарч
Сэтгэл зүрх хоёроо
Утаж явах үедээ
Чин үнэнч архи тамхиндаа
Хэлж үзээгүй үгээ
Чиний төлөө үхье гэж
Баарны ...-г гошгоруулсийн.

Ээ чааваас...

20 сайхан охиныг минь
Хоёрхон хужаа авчихлаа гэж үү?

Төрөөгүй хүүхдэд төмөр өлгий
Босоогүй боовонд тостой бэлгэвч

Бэлгэвчнийхээ хэмжээгээр эрхтнээ хөвчил

Дуугарвал дуу нэг
Дур тавихад хүч нэг

Захидал

МОНГОЛ УЛСЫН ҮНДЭСНИЙ АЮУЛГҮЙ БАЙДЛЫН ЗӨВЛӨЛИЙН ТЭРГҮҮН, МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ ТАНАА

Хүсэлт гаргах тухай

Юуны өмнө таны амар мэндийг мэдэхийн сацуу төрийн ажилд толгой өндийлгүй зүтгэн байгаад талархлаа илэрхийлье.

Миний бие Монгол улсын иргэний хувьд сүүлийн үед нэг асуудалд сэтгэл зовниж явах болсноо дуулгая.  Юу гэвээс талын салхины хөг, голын усны шаргиа, уул хадны цуурай, уран шувуудынхаа жиргээг дуулдаг нүүдэлчин ардын минь хөөмийг шавар тагзанд төрсөн, шалбааг туучиж өссөн, шавьж хорхойгоор хооллосон шавилхан хужаа нар авчихлаа. Цаашлаад Монгол дээл гэх мэт өв соёлын үнэт өв болсон бусад зүйлс рүү биднийх хэмээн дайрах боллоо. Та энэ талаарх дэлгэрэнгүй мэдээллийг Нэгдсэн Үндэстний Байгууллагын Боловсрол, Шинжлэх Ухаан, Соёлын Байгууллагын албан ёсны цахим хуудаснаас лавлан харваас батлагдах болов уу.

Мөн тэд Монгол Улсын Хил Хамгаалах Ерөнхий Газрын хашаанд 815 дугаар бүхий БНХАУ-ын төрийн сүлд бүхий тэмдэглээстэй хилийн баганаа байрлуулав.

Энэ бүхнийг энгийн ард бид өвөг дээсийн маань олон зууны турш цэвэр ариун ёсоор халуун амь, бүлээн цусаа үл хайрлан байгуулсан ариун газар шороонд минь харийн түрэмгийлэгчид бүдүүлгээр халдсан үйл хэрэг гэж үзэж байна.

Таныг Монгол Улсын Үндэсний Аюулгүй Байдлын Зөвлөлийн тэргүүн, Монголын ард түмний эв нэгдлийг илэрхийлэгч Монгол Улсын Ерөнхийлөгч мөн тул энэ асуудалд санаа тавьж, иргэд бидний дуу хоолойг нэгтгэх хүндтэй эрхтэй бөгөөд хариуцлагатай үүрэгтэй хүн гэж үзэж байна.

Тиймээс Азийн цээжинд өсч торнисон хоёр сая долоон зуун мянган иргэнийг төлөөлөн дээрхи болчимгүй үйлдэлд олон улсын хэмжээнд дуу хоолойгоо илэрхийлэн цэг тавьж, удахгүй болох үндэсний уламжлалт Цагаан сарын баяраар дээдсийн хувцас Монгол дээлээрээ дэгжирхэн гоёхыг нийт ард түмэндээ уриалахыг хүсч байна.

Энгийн иргэд бидэнд үүнээс илүү Эх орны хишиг, Эрдэнийн хувь үгүй бөлгөө.

Монгол төр түвшин, Монгол цус ариун байг.

Таныг хүндэтгэсэн:

МОНГОЛ УЛСЫН ИРГЭН

Ёстой юу гэхээ мэдэхгүй юм

Өчигдөр байрныхаа нэг танилтайгаа буу халж зогсохдоо 6 настай хүүтэй хийсэн яриа
Би энд тэнд хэрэгтэй хэрэггүй юм ярьж явдаг зангаараа
- Чи энэ охинтой үерхээч гээд хажуугийн охиныг нь заав
Бандь
- Үгүй
- Яагаад?
- Манайх баян
-Тэгээд эднийх ямар юм?
- Эднийх жоохон мөнгөтэй
- Яагаад чи тэгж боож байгаа юм?
- МАНАЙ ААВ КОМПАНИЙН ЗАХИРАЛ, ЭДНИЙ ААВ ОРЦНЫ ЖИЖҮҮР


Орж ирээд ээждээ хэлсэн чинь ХН, НААДАХ ЧИНЬ ЮУ Ч БИШ гээд нэг хамт ажилладаг хүүхнийхээ охины яриаг хэлэв

- Миний охин одоо ирэх намар сургуульд орно ш дээ. Одооноос жоохон үсэг энэ тэр цээжилж байх уу
Охин:
- Яршиг өө. Би нэг баян хүний эхнэр болоод л хүүхэд гаргаад л гэртээ хэвтэж байна.

Аймар сонсогдож байгааз. Ээж нь бараг ухаан алдаа биз.

Цааш нь даамжруулаад найзынхаа дүүг саналаа. 3-4-р анги. Яг хэдийг нь санадаггүй ээ. Цэрэг татлагын үед гарсиймдаг.
- Миний дүүд ингээд л удахгүй ах шиг нь цэргийн зарлан ирнэ шдээ. Чи явах уу?
- Яршиг өө. Би ээжийн найзуудад хэлээд л бултчихна.
Сонсоод гайхаж байгаа юм чинь. Ээж нь цэрэг цагдаатай холбоотой газар ажилладаг юм гэсэн. Цааш нь:

- Яагаад
-Монголын цэрэг муухай
- Тэгээд хаанах цэрэг гоё юм
- Америк. Би америкийн цэрэгт бол явна аа


Та нар энэ жижигхэн чөтгөрүүдийн тухай юу гэж бодож байна.
Надад л лав хэлэх ч үг алга. Зөв ч юм шиг. Буруу ч юм шиг

Янхандалт

Би нэг зүйлийг гайхаад байдаг юм.

Янхандалтын сөрөг тал юу вэ? Чухам үүнд л би тодорхой абсолют хариулт олж чаддаггүй юм.

Би хувьдаа ардчилал бол бусдын нэр хүнд, эрх, эрх чөлөөнд халдахгүйгээр юу хүссэнээ хийх явдал гэж ойлгодог.

Хүн хүн алж болохгүй
- Учир нь нөгөө хүн нь цаанаа амьд явах эрхтэй

Хүн хулгай хийж болохгүй
- Учир нь тэр зүйл тухайн хүний өмлөх эрхэнд халдаж буй хэрэг

Хүн биеэ үнэлж /янхандалт гэдэг утгаар/ болохгүй
- Яагаад. Туяа Батад биеэ үнэлээд хариуд нь хэдэн цаас авчихаж. Ингэснээрээ Монгол улс, Монголын ард түмэн, Батжавхлан, Дорж, Дондог, Бат болон та нөхдөд ямар сөрөг үр дагавар авчирчихав аа.

Харин давуу тал бол байна аа
- Орлогын тэгш хуваарьлалт. Нэг баян баагий хэтэвчин дэх хэдээ хадгалж байснаас нэг ядарсан бүсгүйд өгчихвэл...
- Улсын мөнгөн урсгал өснө.

За тэгээд цааш дурдвал
- Дээр дурдсан ач холбогдол
- БЗХӨ-ийн тархалт буурна
- Татвар өснө
- Хүчний байгууллагын зардал буурна
- Жуулчдын тоо өснө
- Гэр бүл салалт багасна. Ганц бие нөхдүүд айл гэр үймүүлэхгүй гэсэн үг.

Энэ пост шүүмжлэл араасаа дагуулах байх.
Харин тэр бүгдийгээ үндэслэлтэйгээр тайлбарлаж өгвөл их баярлана. 

Монголд шалгарсан сайн машин ???

Ийм нэг асуулт байна. Тодруулга нь
За хө, BizNetWork-ийнхоон Монголын минь ганцхан төрлийн бартаат замд шалгарсан шилдэг сайн авто хүлэг аль нь вэ? Санал бодлоо
1. Улсаар (Герман, Япон гм),
2. Маркаар (Benz, Toyoto гм),
3. Ангилалаар (Truck, Bus, Jeep, Car гм),
4. Үнээр (үнэтэй, боломжийн, хямд гм),
5. Зардалаар (түлш бага иддэг)
6. Эвдрэлээр (хэврэг, бартаг гм),
7. Сэлбэгээр (элбэг, ховор гм),
8. Хамгийн гол нь НАЙДВАРаар нь үнэлж хэлэлцье


Миний хариулт: 


1. Улсаар: Ямар ч байж болно
2. Маркаар: Юу ч байж болно
3. Ангилалаар: Хамаагүй.
4. Үнээр: Мөнгө бол асуудал биш
5. Зардалаар: Банк нь дүүрэн
6. Эвдрэлээр: Байхгүй
7. Сэлбэгээр: Асуудал биш
8. Хамгийн гол нь: ХҮНИЙ МАШИН л болж таараад байгаа юм даа

Боловсролын салбарыг либералчилъя

Юуны өмнө хөдөлмөрийн зах зээлд илүүдэл /арай ч илүүдэл гэдэггүй байхаа. яг юу билээ дээ/ үүсэх , хөдөлмөрчид шаардлага хангахгүй байх хоёр өөр гэдгийг дурдая.

Жил бүр их дээд сургуулийг мянга мянган оюутнууд төгсөж байна. Ажил дээр гараад шаардлага хангах нь даан ч ховор. мань мэт нь л байгаа юм чинь. Энэ нь ажилгүйдлийн гол шалтгаан санагддаг юм.

Бас 100% маниусын буруу биш юм шиг байгаа юм.

Боловсролын систем нь хэт контрол өндөртэй, стандарчлагдсан /муу стандарт/, төлбөрийг төрөөс тогтоодог зэрэг нь өрсөлдөөнийг хязгааралж, түүнд үндэслэсэн чанар сайжрах боломжийг хаадаг.

Яах ёстой вэ?

НЭГ. Бүрэн дунд боловсролоос эхлэе.

1. Бүх дунд сургуулийг хувьчлах

Төрөөс дунд сургуулиудад суралцагсдын тооноос хамаарч татаас өгөх. Ингэснээр өрсөлдөөн үүсч чанар сайжирна. Мөн хүүхэд хүссэн сургуульдаа сурах боломжтой болгох

2. Бүрэн дунд боловсролын өрсөлдөөнд саад болохуйц стандартыг хүчингүй болгох

Миний хүүхэд бие муутай байлаа гэж бодъё. Би хүүхдээ багаас нь ном дэвтэр шагайлгаж ядраахыг хүсэхгүй байна. Тиймээс би бага ангид нь биеийн тамир спортын төрлийн хичээлүүд түлхүү оруулаад дунд ахлах ангид нь танхимын хичээлүүдийг шахаж үздэг сургуульд оруулмаар байна.

Даанч төрийн тогтоосон стандарт миний хүүхдэд ийм боломж олгохгүй байна. Биеийн тамир долоо хоногт 2-хон цаг ороод бусад цагт нь баахан нүдчихэж байна. Үр дүнд нь миний хүүхэд ядарч байна, эрүүл мэнд нь муудаж байна, хичээлдээ дургүй болж байна гэх мэт

Миний хүүхэд тамирчин болмоор байна гэнэ. Даанч хичээллэх цагт нь хими физик ч гэх шиг шал хэрэггүй /зөвхөн энэ тохиолдолд шүү/ хичээл ороод хүүхдийн маань амжилтаас зулгаагаад байна.

гэх мэт.

3. Улсын шалгалтыг үгүй болгох

Хоёр. Дээд боловсрол.

1. Элсэлтийн журмыг хүчингүй болгох. Сургууль ямар хүн сургахаа өөрсдөө шийдэг

2. Бүх их дээд сургуулийг хувьчлах. Шударга өрсөлдөөнийг бий болгох.

3. Оюутны улсын шалгалтыг үгүй болгох. Тэр сургуулийн үнэлгээ тэр сургуулийн нэр хүндийг илэрхийлэх тул

4. Дээд боловсролын гэрчилгээг БСШУЯ, УМХГ гэх мэт газруудад бүртгэхээ болих. Тэр сургуулийн дипломны үнэ цэнэ тэр сургуульдаа үлдэг

5. Мэдээж өрсөлдөх нөхцөлийг хааж байгаа стандарт, дүрэм журмыг хүчингүй болгох

6. Сургалтын төлбөрийн даатгалыг бий болгох.

Сурч байсан сургууль нь дампуурчихвал даатгалын компани оюутнуудын төлбөрийн нөхөн төлөх. Мэдээж тэд сайн сургуулийн оюутны төлбөрийг даатгана. Энэ нь сургууль тус бүрийн зах зээлийн хуулиар илэрсэн бодит үнэлгээ нэр хүнд болно.

7. Сургалтын төлбөрийг чөлөөлөх. Татаасын мөнгөөр тэтгэлэг олгох. Энэ нь жинхэнэ чадварлаг боловсон хүчин болох хүнийг дэмжинэ.

ГУРАВ. Дүгнэлт

Өрсөлдөөнийг бий болгосноор суралцагчдад өөрт тохирсон сонголт хийх боломжийг олгох. Ингэснээр чанар сайжирна.

Үнэлгээний болон элсэлтийн төрийн хяналттай систем нь тухайн сургуулиудын үнэлгээ, чанарыг бодит биш болгодог сөрөг талыг арилгах. Үр дүнд нь сургуулиуд өөрийн үнэлэмжийг бий болгоно

Авилга, лобби аяндаа алга болно. Учир нь ийм маягаар оюутнаа төгсгөдөг сургуулиудыг зах зээл таньж тэдэнд итгэх итгэл алдарснаар тэр сургуулийн эрэлт үгүй болж улмаар дампуурна.

Ер нь өрсөлдөөнөөс л чанар үүснэ шүү дээ.


Ингэж ярихаар хүмүүч хаос үүснэ гэдэг юм. Яг ямар гэдгийг хэлээд өг. Шийдэх арга хайя. Болохгүй бол постоо устгана аа

Нэг суудал дээр бичсэн 3 бизнес санаа

www.biznetwork.mn сайтын гишүүний хувьд нэг залуутай АяТи-ийн санаа хэлэлцэв. Миний хувьд нэг суудал дээр 3-ыг бичлээ. Түүнийгээ өгүүлье

Биз-ээс бизнесийн зөндөө олон санаа гардаг.

Зөвхөн бизнетворк утгаа алдаж байна гэдэг шүүмжлэл нь бизнетворк гэдэг бол бизнес сайт байх ёстой гэсэн хүсэлт хүлээлтийг үүсгэж байгаа хэрэг. Өөрөөр хэлбэл тийм зах зээл байна.

1. Зөвхөн ажил хэрэгч хүмүүс хоорондоо харилцдаг
2. Ажил зуучилдаг
3. Авна зарна авна зарна гэх зар болон үйлчилгээ байдаг
4. За тэгээд хажуудаа монголбанк, WB, ADB, olloo, news.mn болон бусад бизнесийн чиглэлийн вэб болон блог-ийг линзэдсэн сайт байж болно.

2-т гэвэл Б.Батбаяр ах Монгол твиттер хэрэгтэй юу гэсэн байсан. Why not? Гэхдээ судлах хэрэгтэй.

За тэгээд хамгийн сүүлд гарсан санаа нь Let's protect the Earth from China гэдэг Англи хэл дээрхи anti-china сайт байх санаа гарсийшд. Би бол үүнд зах зээл бий гэж үзэж байна. Монголчууд Хятадуудад дургүй, цаашлаад Дэлхий дургүй. Тэгээд ч Хятад улсын нүүрсний хэрэглээний өсөлтийн таамаглал гэх мэт маш их негатив мэдээлэл байш дээ. Магад энэ нь дэлхийн хэмжээний сайт ч болж болийшд. Блог млогтой ч юм уу

http://biznetwork.mn/topic/show/9737/1

Зөвхөн АяТи-ийн чиглэлээр шууд суугаад 3-ыг бичиж байна ш дээ. За тэгээд яриад байвал өөр бусад зөндөө...


Дэлгэрэнгүйг эндээс уншаарай:
http://biznetwork.mn/topic/show/9812/1

залуу гэр бүлийн орон сууц ямар байх вэ?

Ер нь бол

Зохион байгуулалтын хувьд найзуудыгаа ирэхэд буу халаад суух нэг, шөнийн жаргалыг хосоороо эдлэх хоёр өрөө байхад болоо.

Байрлалын хувьд ажилруугаа нэг их олон нийтийн тээврийн хэрэгсэл дамжаад байхгүй бол гүйцээ.

Нэмж хэлэх нэг шаардлага нь шөнийн жаргалаас бий болсон бүтээгдэхүүнийх нь найдвартай ажиллагааг сахих үүднээс хэвийн температуртай, цэвэрхэн ариун цэврийн өрөөтэй байвал хангалттай.

Анхан шатны шаардлагаар энэ гурвыг нэрлэхэд бараг болно биз дээ.

Хүүхэд...

Хүүхдүүдээ халамжлах тухай нэг юм олж уншаад бичсэн хариугаа орууллаа. 


Илүү үгтэй юм болохоор бага сага сөрөг тайлбар хийсэн юм. 


Монголчууд эртнээс эрс тэс уур амьсгалд нүүдэллэн амьдарч ирснийг хэлэх нь бараг илүү ч юм уу. Энэ цаг хугацаанд гадаа гандаж, хүйтэнд хөрч, цас бороонд цохиулж, шуурга мөрж, нарыг тэсч ирсэн.

Чухам үүний үр дүнд асар их сэтгэлийн тэвчээр, хатуужил сууж, чухам бидний ярих дуртай сэтгэл зүйн болоод бие физилогийн онцлогууд үүссэн байх.

Үүний үр дүнд дэлхийн талыг эзэлсэн, цаасан дээр үлдээгээгүй болохоос ШУ-ны олон нээлтүүдийг хийсэн. Нэг их нэр төр хөөцөлдөөд байдаггүй болохоор цаасыг нэг их чухалчилж үзээгүй биз.

Угтаа Монголчуудад тийм зөөлөн, энхрийлсэн орчин тохирдоггүй юм шиг. Тиймээс ч бэлэнчлэх сэтгэлгээ гэдэг үг гарсан юм шиг байгаа юм.

Жишээ 1:

Орос сургуулиар насаараа яваад, гадаадад дээд боловсрол эзэмшээд ирсэн нэг нөхөр байна.
Хэл ус толгой тархины хувьд манийгаа дагуулахгүй. Гэхдээ л нэг л биш ээ. Түүнд ямар ч зориг алга, бие хаа сул, үнэн маягтай, үнэхээр орчиндоо зохицохгүй байгаа юм.

Мань мэт бол яахав дээ. Жирийн Монгол сургуульд онц, муу хольж аваад л... Хааяа нэг фракцаараа хуваагдаж гардан тулаанд орно. Багш нараас нуугдаж, янзуур зууж баригдаад сургуулиас хөөгдөхөө шахаад л... 8-р ангид байхдаа анх удаа баар гэгч байшингийн хаалга татаж явлаа. За тэгээд нэгнийхээ гэрийг эзгүйчлэн +18 кино үзэж суусан. Ер нь ихэнхи Монгол залуус ингэж л өссөн.

Тэглээ гээд муудсан юм алга.
Харин аливаад харьцуулалт хийж анализ хийгээд сайн муу зөв бурууг ялгаж сурдаг шиг байгаа юм.
Хаана ч очсон ямар ч орчинд зохицоод, яваад байх чадвартай юм. Гүйцэт биш л дээ.

Нийлж дарвиж явсан нөхдүүд маань бараг надаас бусад нь аймар аймар явж байшд. Дээр үүссэн жинхэнэ Монгол эр хүн гэж стандарт тогтоох зорилготой хэлэлцүүлгийг нээсэн хүмүүс яг л тийм нөхдүүдийг тодорхойлох хэрэгтэй юм шиг.

Мань мэтийн шалгаралд тэсч үлдээгүй нөхдүүд нь ингэсгээд 9-21 цаг хүртэл ПиСи ширтээстэй. Ядаж байхад гараас юм гарахгүй ээ.

Жишээ 2:

Чингис хаан Есүхэй баатраас хойш ядарсан, зүдэрсэн
Цаг нь болохоор мандсан сэрсэн /юу юу ч билээ/

Манжийн дарлалд байх тэр үед Монголчууд ядарсан, зүдэрсэн
Гэхдээ л худлаа ч гэсэн тусгаар тогтносон улс болсон.

Одоо бидэнд байхгүй юм алга. Гэтэл яав?

Дүгнэлт
Монгол хүнд тийм зөөлөн орчин тохирохгүй.

Хариулт1.
Bombogriin oiroltsoo yum avchaad yavj baital neg mecro ireed Bayanhoshuu geed l neg zaluu haalgaach ongoilgoj amjaagui hashgirlaa. 2 hun guij ochood suulaa. Hoinoos ni 2 yumuu 3 angiin l bololtoi jijighen huu ochood suuh getel huuhed avahgui geed urdees ni oshiglochood haalgaa haagaad yavchlaa. Chamgui huiten oroi baisan. Ter huu gertee yaj harisan bol?
- САНАА ЗОВОЛТГҮЙ ЭЭ. ЦААДУУЛ ЧИНЬ ЗАМДАА АНГИЙНХАА АРИУНАА, САРААГ ЯРИАД Л ХАРЬСАН. ХАМГИЙН АЗГҮЙ 0,1 ХУВЬ НЬ ХАРИАГҮЙ ЗАМДАА ҮРЭГДСЭН БАЙХ. ХӨӨРХИЙС. ДАНИД ХҮҮХДИЙ ҮРЭГДЭЛТ ЭНЭ ТООНООС НЭГ ИХ БАГА ГЭЖ БОДОХГҮЙ Л БАЙНА.

Huuhduud gerel gegeetei zov setgeltei osvol Mongol ornii maani ireedui tiim l gereltei baih yostoi bish gej uu? Alag hongor ursee bid zovlon, shanalliin torond hulchiheer manai ornii ireedui tiim torond l orno gesen ug bizdee.
- ЗӨВ ЧИГЛҮҮЛЭХ Л ХЭРЭГТЭЙ. БҮХ ЗҮЙЛИЙГ НЬ БЭЛДЭЖ ӨГӨӨД БАЙВАЛ ЯАХ Л БОЛ.

Ulaanbaatariin gudamjaar heden Hummer, Land, Benz bagtah zaiguu yavj bna. IIm bayan oron bolood humuus ni ingetlee tsatgaldchihsan yum bol yagaad huuhded zoriuliad soyol amraltiin tom tsogtsolbor barichij bolohgui baigaa gej?
- ТЭР ХҮМҮҮС ЧИНЬ ТЭР МӨНГИЙГ ЗҮГЭЭР СУУЖ БАЙГААД ОЛЧИХООГҮЙ ЮМ. ХҮҮХДИЙН ЦОГЦОЛБОРЫН ХУВЬД МОНГОЛД АШИГГҮЙ БОЛООД Л БАЙГУУЛАХГҮЙ БАЙГАА ЮМ.
АЛИВАА САЙН САЙХАН ЗҮЙЛ БҮР БИЗНЕС СЭТГЭЛГЭЭГЭЭР ДЭМЖИГДЭХГҮЙГЭЭР АМЖИЛТАНД ХҮРДЭГГҮЙ ГЭДЭГ ДЭЭ.

Za yamar ch baisan humuus min ergen toirond chin guildej baigaa bor huuhduudee hun gej harj surya! Yadaj l saihan ineegeed, ohoordood zorohod tanias yu ch unahgui harin tuunii byatshan zurhend hezee ch martagdahgui egchiin, ahiin ineemseglel honogshij, amidrald itgeh itgel todroh biz!
- НААДАХЫГ ЧИНЬ ХАРИН ГАЛЬТ ГАЛЬТ ХИЙДЭГ ЮМ БАЙНА. АХАА 100 ТӨГРӨГ ӨГЧИХ ГЭВЭЛ АРААС НЬ ЯДАЖ Л ХУЛГАЙ ХИЙЖ БОЛОХГҮЙ ШҮҮ, ХИЙГЭЭГҮЙ ЧИНЬ САЙН БАЙНА ГЭЭД ХЭЛЧИХ ХЭРЭГТЭЙ ШД.

за за. дуусгалаа.

Амар сайхандаа жаргажээ

Ж.Бат-Оргилын бүтээл. Жич: Зөвшөөрөлгүй нийтлэв.

Эртээ урьд цагт юм гэнэ. гэж эхлээд л амар сайхандаа жаргажээ гэж төгсдөг тэрхэн бяцхан сонирхолтой детектив өгүүллийг өнөө цагт амьсгаа тээж яваа амьтай монгол бүхэн уншиж сонсоо байлгүй. Уржигдар орой нэтээр хэсэгхэн тэнэхдээ тэнэгхэн бодолдоо автан Монгол ардын үлгэрүүдээ эгүүлж нэг түүвэрлэн уншив. Хүүхэд ахуйн гэнэн мөрөөдөл, саваагүй зангаа нэхэн санаж сэтгэлийн цэнгэл эдэлсэн атал нэг зүйл чихнээ сэрт хийн нүднээ сорт хийн өртөв.
Би ямар аймшигтай юм уншиж байнаа, байнаа ч гэж байваа гэж бодогдов. Монгол ардын үлгэрээр кино хийвэл ер нь юун Холливууд юун Акшон, юун Детектив... Ёстой нөгөө аймшгийн порно гэгчээр аймшигт аллага, аюул дайн, харгис хэрцгийлэлээр дүүрэн ажгуу.

Хэдхэн жишээ дурьдсу.
Долоон хожгор нэг можгор
Ах 7 хожгор нь дүү хожгортоо атаархсандаа үнээг нь алдсанаар үлгэр эхэлдэг.Дүү хожгор нь мөчөөгөө өгөхгүй гэмгүй явсан хүний 7 хүрэн халзан тэмээг олгойтой цусаар будаад хөнгөхөн зальдана. Ах 7 нь атаархсандаа эхнэрийг нь ална. Үхсэн эхнэрээрээ хааныгаа хулхидаж улмаар ах 7ыгоохоо эхнэрийг алуулахад хүрнэ. Гэх мэтээр даамжирч хул морь унасан хулсан уурга чирсэн улцан өвгөнийг өөрийн оронд модонд хүлж шатааж алуулна. Эцэст нь Ах 7оогооо тэнгист живүүлснээр хожгор дүү нь АМАР САЙХАНДАА ЖАРГАЖ төгсөх.

7 бор оготно
Алгын чинээ газартай атгын чинээ цасанд шагайн чинээ шар тос олоод бяцхан дүүгээсээ харамлаж ах нарт нь зодож ална. Хаандаа очиж хэргээ мэдүүлтэл тэнэг хаан нь огт тоосонгүй. Тэгэхээр нь тэр огонтнууд буцаж хариад амар сайхандаа жаргажээ.

Өөхөн хүү өвсөн хүү сүрлэн хүү
Өөхөн хүү нь хайлж үхнэ, өвсөн хүү шатаж үхнэ сүрлэн хүү шатаж үхнэ. Үлгэр амар сайхнаар төгсөнө.

Гэх мэтээр бидний багадаа уншиж сэтгэлийн цэнгэл эдлүүлж байсан үлгэрүүд маань ямар харгис хэрцгий юм бэ. Далан азарганы сүүлнээс уяж тасар татаж алаад амар сайхандаа жаргажээ гэх үгийг тэр бяцхан толгойд хэрхэн дүрсэлж хүлээж авч байсан бол гэж бодохоор л үлдсэн 5 хялгас өрвийн босох шахна.

Магадгүй Феодалийн үеэс гаралтай үлгэрүүд цөөнгүй бий гэдэг нь хятадыг хульхидсан, эзэн хаанаа дайрч доромжилж гутаасан дүрүүдээс илт харагдана. Гэтэл түүнээс өмнөх нь мөн л алж хядаж амар сайханд нь жаргуулна.
Би тэгээд цааш бодлоо. Үнэхээр зальдаж алж талж өөрийн хүсэл эрх ашгийг хамгаална гэдэг бол буруу зүйл биш юм байна гэсэн сэтгэхүйг өнөөх бяцхан жаалуудад одоо ч өгсөн хэвээр байна. Гэтэл энэ нийгмийг бид амиа бодсон бэртэгчидээр дүүрэн гэж ярих авч уг чанартаа тарьсан үр нь бүгд таагүй бордоогоор бордогджээ гэж бодоход хүргэв.

Далимыг ашиглаад бүр эртний Монголын түүхийн гол эх сурвалж гэгдэх Нууц товчоогоороо нэг өнгийе. Чоно, Буга, ганц нүдэт дува сохор гэдгийг эрт балар тул үлгэр домогоор нь төсөөлөөд үлдээе. Харин Хэрэйд Улсыг мөхөөсөн, Найманыг эзэлсэн, Жаха Хамбуг эрхэндээ оруулсан нь гэх мэт өрнөл хэсгүүдэд хэл ус шал ондоо харийн иргэдтэй Жамуха маш хүнд хэлбэрээр шүлгэлэн харьцсан зохиол гардаг. (Энэ нь нууц товчоог хэн нэгэн зохиож тэр шүлэглэлээр уг зохиолыг чимжээ гэж бодоход хүргэв.) Тэр бүү хэл Чингис хаан тэгж ингэж бодов гэх үгс маш элбэг. Түүхэн гэдэг утгаар нь бодит амьдрал дээр төсөөлбөл Бат-Оргил ингэж бодов гэж хөндлөнгийн хэн нэг нь бичихгүй нь лавтай.

Бидний уншаад буй Нууц товчоо маань Хятадаас олдсон. Монгол галигаар хятад ханз ашиглаж бичсэн сурвалжыг Оросын Хятадач эрдэмтэн Кафаров ханзны дуудлагаар нь хадмал орчуулга хийж фото хальсанд үлдээсэн. Энэ эхээс бид Монголын түүхээ гэж ойлгодог.
Гэтэл нэгэн хар санаа надад төрөөд буй нь Нууц товчоог ханзаар бичсэн тул хятад хүн бичсэн нь тодорхой байна. Тэгээд Монгол дуудлагаар нь бичсэн нь магад Хятадын ноёд язгууртнуудад Монгол хэл сургах текстний ном байсан юм боловуу гэж бодогддог. Нэг сумаар хоёр туулай буудах зорилгоор Монголын түүхийг давхар сураад авдаг,Монгол хэлийг бас эзэмшээд авдаг. Зүгээргүй хятадууд бас гуйвуулсан л байж таараа гэж хардах юм.

Бидэнд үнэн түүх, үнэн аман зохиол гэж байна уу, бодох л асуудал эцсийн мөчид санагдав.

Үлгэр үргэлжилсээр Монголчууд бид амар сайхандаа жаргасаар... 

Миний афоризм

Боов босовч өмдөндөө 

Хүний сайныг унтасны дараа мэднэ
Хүлгийн сайныг Улаанбаатарын замд танина

Өглөө босоод урд шөнийн явдлаа сана
Орой унтахдаа өмнөх алдаагаа давт

Цөөн хэлбэл зардал
Олон хэлбэл хоногшил

Зовох цагт түрийвчний зузаан танигдана
Жаргах цагт үйлчилгээний чанар мэдэгдэнэ


Эр хүн туг ч барина мээм ч барина

Хоол болтол шийр зугаа
Боов бостол мээм зугаа

Хэрэглээний хэмжээгээр суна
Тосны хэмжээгээр гулга

Тэмээн дээрээс нар 2,6 метр л ойрхон

Бүгдээрээ тэнэг бол хэлэлцээд хэлэлцээд буруутай

Дагаад явбал үхэр тэргээр туулай гүйцэхгүй

Долоо алхаж нэг бүдэрнэ


Аваргыг давж аваргад зодуулна


Суусан цэцнээс явсан тэнэг илүү их ядарна


Эх нь ДОХ-той бол Унага нь ДОХ-той

Бурхад гэж хэн бэ?

Ази тивийн төв хавийн дээдэх үүлэн дээгүүр нисдэг байсан Бөө гэдэг бурхантай 1500-аад оны үед Буддагийн хүү тэд нар ураг барилдаад шарын бөө гэдэг шин хөвүүн мэндэлсэн юм гэсэн.

Тэр нөхдүүдийн гол дутагдал нь *Хүн бол бурхан* гээд өөрөө өөрийгөө аваад яв гээд орхичихож байгаа юм. Аймар шог. Тэгсэн хирнээ буян үйлд гэж командлаад овоо өргөл барьц авдаг сурагтай

Дундад Азийн дээр Лал хэмээх аймар ууртай, хямсгар бурхан бий. Байсгээд л бусад бурхануудаа өдөөд л.. бөөн юм болно. За тэгээд Коран гэдэг нэг эссе бичсэн чинь тэр нь тэр хавьдаа жоохон тархсан байх.

За тэгээд Исүс гэж нэг нөхөр бий. Уг нь овоо гайгүй юм ярьдаг. Гэм нь жоохон амбицтай. Бусад бурхадтайгаа бол *найз нь* гээд л явдаг хирнээ цаагуураа өөрийнхөө Пиарыг аймар хийнэ шүү дээ. Гэхдээ өтгөс явууст овоо дорвитойхон туслаад явдаг юм.

Бас нэг аймар маркетингтай нэг бурхадын крью бий. Тэд нар Олимп гээд ууланд суудаг. Хээд оф крью нь Зевс. Тэд нар спорт, гоо сайхан, мисс зисс энэ тэр гээд л хүмүүсийн материалаг сонирхолд нилээн дагнаж ажилладаг. Сэргэлэн гарууд даа. Хүмүүс Исүс, Будда, Лал шүтдэг хирнээ тэр бурхадыг бол бас сайн шүтнэ шүү дээ.