Маартын наймны тухай

Намайг битгий хайрла, Бүсгүйчүүд.
Нас дээр гарлаа, Өөр хүн ол.
Царайлаг төрөх ямар хэцүү юм бэ, Чөтгөр алгад. 
Надад найдах хэрэггүй ээ, Би хүний хүн

Зиа хүүхнүүдийг энэ шүлгийг уншаад юм юм бодоод байж байх хооронд нь эрчүүддээ хэдэн үг бичье. Хүүхнүүд та нар битгий уншаарай. Эрчүүдийн яриа юм.

Зиа маргааш Олон улсын эмэгтэйчүүдийн эрхийг хамгаалах өдөр болох нь ээ. Тэгэхээр энэ хэдэн хүүхнүүдэд эрхийг нь эдлүүлэх нь байна. Юуны өмнө бүгдэд Ц битмийн авч өгөөрэй. Эрүүл амьд явах эрхийг нь хамгаалж байгаам. Нэг уутыг аваад хуваагаад өгчихсөн дөө ч яахав дээ. Зарим нь пологтож магадгүй. Гэр орны чинь эмийн сангаар хаяг аддрессгүй эрээвэр хураавар ганц нэг эм явж байвал кармаалчаарай. Нийлүүлээд тэнцүү хуваагаад тараагаад өгчих. 

Юуных ч байсан цаадуул чинь баярлаал уучихна.

Зарим нэг хүүхнүүд эрхээ мэдэхгүй байгаа байх. Хэдэн эрх нийлүүлээд коопийдоод таньдаг хүүхнүүд рүүгээ мэйлдчихээрэй. Эрхийнхээ өдөр “эрхээ” мэдэж байгаадаа тэд туйлын их баярлах болно. Зарим нэг хүнд бол тусад эрх гээд үүрэг өгч болно. Дараа нь бидний овоо ажил хөнгөлөгдөнө дөө.

Нэг диктафоныг олж аваад нэг нэг минут үг хэлүүлээд тэрийг нь биччихээрэй. Үгээ хэлэх эрх нь юм. Тэрнээс илүү цаг чамд хайран. Аа Хальсгүй байсан ч  яахав дээ. Цаадуул чинь онгойлгож үзэх биш. Улаан товчин дээр нь дараад л хангалттай.

Янз бүрийн СНС сайтууд дээр бүлэг үүсгээд эккаунт нээгээд өгчихөөрэй. Олон автортой блог байсан ч болно. Эвлэлдэн нэгдэх, хэвлэн нийтлэх эрхээ эдэлж бидэнд баярласнаа илэрхийлэг.

За, тэгээд манай хүүхнүүд ажил хөдөлмөрт хамгийн дуртай тул бусад нь тус тусынхаа ажлыг сайн хийгээд бүсгүйчүүдээ баярлуулаарай.

Өөр онцын зүйлгүй.